01-06-2025 (Sun)
 |
| （圖1） |
今日去參觀南藏院，嗰到有世界第一大嘅青銅佛像。（圖1） 未入去南藏院之前，我哋入咗去一間供奉泰國佛像嘅廟宇‘’女人天照堂‘’，裡面嘅職員好熱咁用英文同我哋介紹，所以我就買咗個鈴鐺。（圖2）
在前往南藏院參道上，沿途見到不同嘅佛像，入南藏院前，要經過「七福神隧道」。原來之前唔洗俾入場費，今年5月先開始向外國遊客收300yens入場費。其實南藏院係放置先人龕位嘅地方，所以有啲地方係唔可以影相。（圖3-5）
據說這尊佛像側卧嘅姿態係釋迦牟尼佛歸返西天聖域時嘅樣子，我就覺得佢睇落好relax，做人咁攰，都好應該好好休息下。（圖6-8）
這尊佛像就為咗安放「緬甸佛教會」贈送嘅「舍利子」而建，網上資料話南藏院一直向緬甸、尼泊爾等東南亞地區的兒童捐贈藥品、文具等物品。 1988年，緬甸佛教理事會向南藏院捐贈了佛陀、阿難陀和目犍連三尊舍利，作為回禮。
這些「舍利子」就放咗喺大佛建築裡面，要進入這個供奉舍利子嘅臥佛內部參觀
要俾￥500，個人認為都值得入去睇下。
 |
（圖9）
|
 |
| （圖10） |
買票時，職員會俾埋一個繪馬，俾你寫願望和名字，職員叫我哋係張標準願望紙上面嘅揀一個願望嚟寫喺繪畫上面，但我就自己加寫埋“減肥成功”。（圖9-10）
 |
| （圖11） |
佛像裡面可以買到限定御守，每個￥1500。個御守係釋迦牟尼佛嘅腳板底，稱為「佛足」，摸下個腳板但就會行好運。隨御守仲送一張刷刷卡，俾你睇吓摸完佛足之後會唔會中獎。（我同波生都冇中獎）（圖11）
上網睇返，1995年5月大佛完工，同年6月，南藏院住持就係大型彩券中贏咗1.3億日圓嘅頭獎，所以唔怪得買御守會送彩券。
參拜完大佛內部，仲可以去換3個羽毛球，拋中咗仲可以有獎品。（圖12-13）
 |
| （圖12） |
 |
| （圖13） |
離開大佛，發現有條小路可以上山，我哋就跟住行，原來可以行到去一個稻荷神社。（圖14-15）
另一邊，仲有南藏院大不動明王。不動明王是保佑日本風調雨順、國泰民安的神明。喺大不動明王前面，有一棵神樹，叫做神樹系因為佢曾經俾雷劈過都冇事。(圖16-17)
旁邊有條小路可以往上行，會見到一座小山坡，進去後發現有個洞，係要用手要爬上去。之後會有條小路落山，小路兩旁有各種佛像矗立。（圖18-20）
離開南藏院時，我見到有間好細嘅手信店，我就八卦行埋去睇吓。店鋪嘅婆婆見到我，就立即請我飲咗杯茶。見到婆婆年紀咁大，所以我同波生又係到買咗啲嘢，叫做支持下婆婆咁努力工作。（圖21）
 |
| （圖21） |
