2013.12.27 post-X’mas 2013 & pre-New Year 2014 Celebration

唔想同人迫，所以我和波生決定X'mas後 (27號) 先慶祝聖誕節，兼預祝新一年。

星期五，去了在Sheraton 的Morton's of Chicago。

先order 了兩柸cocktails，面對著維港，和波生談談情。

洋蔥包包， 好香洋蔥味!

要了個Ocean Platters (Baked) ，可以一次過試到四款menu 內的Appetizers， 四款都好好味！

蝦，帶子和蠔都非常新鮮，可以配以中間的三款醬汁來吃，醬汁更豐富了海鮮的味道 ！這裡的蟹餅Jumbo Lump Crab Cake是signature dish之一，蟹肉鮮甜美味。帶子煮法特別，外層被煙肉包住, 估不到帶子跟煙肉味道可以那麼夾。

 Main course 要了牛排， order “medium rare” 。 個Waiter 話 Medium rare is“ red and warm inside and tender outside “。

牛排果然是外層脆， 內層嫩。

好大的洋蔥圈，好脆呀。

最後吃了梳夫里 (甜品味道一般，不過是送的) ，今晚很開心，多謝波生。

愛婚享 (4) – B&B Wedding 波小姐的婚鞋 (一) 褂鞋

對於褂鞋，其實我冇乜要求，只係覺得要著番傳統款，要紅色，最好有龍有鳳，襯番我套大五福裙褂。

我對褂鞋係淘宝買嘅，quality 唔差，不過鞋裡面就有d生銹色嘅點點。雖然出面睇唔到，不過此終唔係噤好，有瑕疵。同埋對鞋既size 比一般細咗少少，所以著得唔太舒服。

聖誕! Shopping List

又到聖誕，又到聖誕！

每年聖誕節，我的Shopping List又是滿滿的!

各大化妝護膚品品牌都會在聖誕節期間推出各種各樣的Gift Set 或者優惠，, 而我每一年都會大量入貨。

現在同大家分享一下我的少少收獲。

Lancome的X’mas set 很抵買，不過是要買滿指定金額加錢換購的 (加$6xx)！

買了這枝Visionnaire Serum多元份子修復精華 ($980),  有點少貴。Sell姐姐介紹時說精華可以收細毛孔, 不過我未還試, 試過後再介紹給大家。

Shiseido是我最喜歡的護膚品牌，阿媽在我青春期時已經買Shiseido護膚品給我用，所以我用了它的產品很多年。

其實是為了這個Shiseido Thanksgiving 節日限定禮遇才購物，那三枝mini-sized 的化妝掃quality非常好，有點捨不得用。

一直想買Benefit的benetint 玫瑰胭脂水, 朋友說它非常好用, 搽在臉上顏色自然, 不會像用粉狀胭脂那麼乾。
買了 “Show me the Love” 套妝. 套妝包括: they're real! 以真亂假睫毛膏 8.5 g, benetint 玫瑰胭脂水 12.5 ml and the POREfessional 毛孔細緻霜 7.5 ml。

店員還介紹了gimme brow!豐眉膏給我, 適合喜歡自然 , 眉毛粗而不用畫粗的我 。

Bourjois的東西是用修甲package的金額換的!

原本沒有想過要買Bourjois的,  不過因為結婚前join 了它的修甲package,  可惜原本近家的那家Bourjois專門店停業了 (之前只去了一次修腳甲) , 現在要到其他店修甲, 比較不方便。半年來, 我只去三次, 店員怕我沒法在package有效期的一年內用完package的金額, 所以提意我換貨品。

購物滿$3xx送一枝沐浴露和一枝化妝掃, 沐浴露是 Made in France 的，感覺比較矜貴。最讚的是, 用 package的金額換都一樣送 (之前買package是有折扣的), 換了$6xx 的貨品, 所以送了兩Sets 給我。

還買了Laneige Water Bank Essence保濕精華連sleeping mask 的set 裝 ($505) , 但沒有拍照。

不知道老公公看了這篇blog會有何反應…一定在想為什麼她可以買到這麼多!

我的美肌秘密 (一)

女人唔保好易老.

嫁了人, 就更加要時時刻刻保持最佳狀態.

男人天生就是喜歡看漂亮的東西(其實女人也如是) .

好記得, 我前老闆的太太跟我講過, “做人老婆就一定要保養好自己, 唔可以走樣, 這是女人的本份. 如果把本份做好, 男人還是做出對不起妳的事, 那麼那就是男人的錯, 至少男人不能用妳樣子變醜來做他變心的借口. “

過了18/22的年紀, 單靠護膚品真的不足夠, 越來越覺得吃進肚裡的食物對健康和身體有更大的影響.

現在我每朝都空肚飲Fancl 青汁, 青汁

平衡人體酸鹼度好有幫助. 人體細胞在一個弱鹼性的環境中最具備活力和最有生命力，新陳代謝最旺盛。 擁有鹼性體質的身體是最健康的, 身體好, 皮膚就好。

除了飲青汁, Vitamins 對身體都一樣重要。

最近我的指甲和頭髮都很差, Vitamins B & E 都是對皮膚好的, 現在我每天都吃。

2013 西葡十天匆匆遊 (8) - 巴塞隆拿 (Barcelona)

Day 9 – 2013.10.06 (Sun) -  巴塞隆拿 (Barcelona)

今天係旅程嘅最後一日，繼續遊覽Barcelona。

聖家族大教堂 Sagrada Familia應該都係遊Barcelona必到嘅景點，聖家族大教堂由1882年已經開始興建，到e家都重未去起完。

因為星期日大部分shops都唔開，所以d遊客都去晒行景點，雖然我都想入去聖家堂參觀，不過人太多，排長龍，我地只好外觀拍照。

睇聖家堂有d好似睇緊地盤咁，四周圍都有scaffolding。 佢地其實趕緊工，不過遊客太多令到工程進展得好慢。但係佢地又要依靠門票收入做建設資金，所以冇遊客又唔得，E家預計2026年先完工 (慶祝高迪逝世100週年) ，希望我退休果時可以見到 completed嘅 聖家堂。

睇完地盤，又去睇x尾樓…高迪公園(Park Güell) 。

高迪公園原本係打算興建一個私人住宅區，不過後來冇錢起，變咗x尾樓。後被市政府買咗，改做公園。

Lee到人山人海。

我係一條西班牙龍(我地點睇佢都係一條馬賽克蜥蜴，但其實高迪當時係想design一條中國龍)!

快樂嘅時光過得特別快，又係時侯講byebye，出發到機場lor。

Day 10 – 2013.10.07 (Mon) – 香港

4點幾安全到達香港，搭咗十幾個鐘頭飛機，好倦！所以我同波生決定搭taxi 回家，實在唔想再搭多個半鐘巴士先番到屋企。

2013 西葡十天匆匆遊 (7) – 巴塞隆拿 (Barcelona)

Day 8 – 2013.10.05 (Sat) - 巴塞隆拿 (Barcelona)

今日…係全個旅程中我最期待嘅一曰，……因為今日有自由活動時間！即係我嘅shopping time！！

由Zaragoza 去Barcelona，又要搭成三個幾鐘頭車。Lunch 前，終於到達1992 Olympic Park，不過我地只係去咗Olympic Stadium 。

我對1992年係Barcelona舉行嘅Olympic Games有好深印象。 雖然當年我好細個，不過到E家我重好記得個好精彩嘅開幕式!  我記得有一part 係跳flamenco dance，得一個人係台到跳，但係就能夠draw all my attention。 重有點聖火果part，個神手真係好勁! 從果時開始，我就好想去Barcelona!

Lunch之後，我特別興奮，因為我終於可以去shopping。

一直都好想好想買多個香兒獎勵自己，不過香港d shops 長期排長龍，我又好懶排隊。係西班牙買名牌真係好方便，一條格拉西亞大道(Passeig de Gracia) 就有晒你想要嘅嘢。由加泰羅尼亞廣場( Plaça de Catalunya) 行到去 米拉之家 (Casa Mila)大約要20分鐘，沿路有好多名店。

米拉之家 (Casa Mila)

因為波生對shopping 完全冇興趣，所以佢自己乍去行Casa Mila，我就去double C 潮聖。最後買咗一個boy chanel 同 classic style wallet in chain！

巴特洛大宅 (Casa Batlo) 

買完就同波生會合，之後去咗Casa Batlo  巴特洛大宅，另一間高迪design嘅屋。

Casa Batlo馬賽克雕塑嘅天台。

巴塞嘅夜景(特別係Casa Mila & Casa Batlo) 應該都以幾靚架，可惜我哋住嘅酒店都幾偏僻，冇得自己再出黎影相。

P.S. 雖然個個去過Casa Mila 都話好值得去，屋頂有好多黑武士頭（Stars　Ｗar 嘅黑武士做型都係跟佢），好得意。不過我唔後悔，因為女人買到鍾意嘅手袋果種開心，男人係唔會明嘅。

愛婚享 (3) –B&B Wedding波小姐的嫁衣 (一) 出門裙褂@永隆

愛婚享 (3) –B&B Wedding波小姐的嫁衣 (一) 出門裙褂@永隆

結婚當曰，我一共轉咗六條裙，包括一件裙褂，三件婚紗，同兩件晚裝 。六件有五件都係買嘅，只有裙褂係租嘅。

我嘅出門褂係係永隆到租嘅，係一套大五福平腳。 我本身好鍾意褂，覺得女仔出嫁一定要著褂，一世人只得一次機會著，不過買就實在太貴勒，所以都係選擇咗租。 我喜歡有多d金銀線但又想有少少紅色，大五福就最合我要求。

我對Lee套大五福好滿意，好新淨(雖然我唔知佢第幾手)，影相出黎效果好好，d金銀線好sharp，連攝影師都讚話好上鏡。

下一篇: 愛婚享 (4) – B&B Wedding 波小姐的婚鞋 (一) 褂鞋

2013.11.17 Long Time No See Gathering @ Cova

好難得， 可以約齊人， 四個大學同學一齊食lunch敍一敍。

因為三個朋友都已經當了媽媽， 其中兩個還已經有兩個小孩， 只得我一個還未有， 所以想見面都很難夾時間。

當一個女性當了媽媽， 小孩子就好順利成章成為她人生的第一位， 話雖如此，我覺得都唔應該要全世界都遷就你，, 我有朋友真的是這樣， 對孩子過份緊張， 每次約會見面的地方和時間都一定要大家遷就她， 就算約好了， 又會為了孩子的小事而放飛機。

雖然我好明白做媽媽責任重大，, 不過我認為當了媽媽都唔應該沒有了自己，, 唔應該要全世界都就你，, 其他人都一樣有他的priority， 所以我現在都很少跟這些緊張媽媽朋友見面。

今日去COVA食lunch，lunch set價錢是可以接受的範圍， 食物質量不錯， 不過最優勝的地方是環境。餐廳裡的人客不多，不會很嘈吵，最適合喜歡食環境多過品嘗食物的我們!

雖然平日各有各忙，不過今次有朋友提出我們要多約出來見面，所以已經約好了下次個月尾再見。

Appetizer buffet

Main Course -  Risotto

2013 西葡十天匆匆遊 (6) –馬德里 (Madrid) & 莎拉哥西 (Zaragoza)

Day 7 – 2013.10.04 (Fri) -馬德里 (Madrid) & 莎拉哥西 (Zaragoza)         

一朝早就落大雨，攪到冇晒mood影相。 

今朝去咗馬德里市中心嘅太陽門廣場(Puerta del Sol) , 係廣場內嘅地面有個零公里紀念碑。零公里紀念碑係西班牙0公里(Kilmetro 0) 嘅起點, 以前d郵費就係而零公里紀念碑同目的地嘅距離嚟計算。

零公里紀念碑

馬德里王宮(Palacio Real)

馬德里王宮e家重用緊黎舉行王室嘅各種活動, 例如招待各國嘅首相, 所以開放俾公眾參觀嘅部份唔多, 同埋王宮裡面係禁止攝影。

馬德里嘅西班牙廣場 (Plaza De Espana), 廣場中央有個塞萬提斯紀念碑, 前面有唐吉訶德與僕人嘅銅像。

由馬德里去巴，車程要成七個幾鐘頭，一次過坐晒實在太辛苦，所以要將車程分為兩日，而兩個地方嘅中途站就係Zaragoza.


Zaragoza有間四柱教堂(Basilica of Our Lady of the Pillar)，今次去到好好彩有開門，重要係免費開放。

係廣場見到有人請願，雖然個牌係寫英文，不過我都係唔明佢地想表達d 乜？

2013 西葡十天匆匆遊 (5) - 杜麗多 (Toledo) & 塞哥維亞 (Segovia)

Day 6 – 2013.10.03 (Thur) – 杜麗多 (Toledo) & 塞哥維亞 (Segovia)

琴晚瞓得好差，間酒店比較舊，冇乜冷氣，成晚都好焗。瞓到半夜，我直情覺得比“嘢“壓住， 郁唔到。

間房對正條馬路，d車好似會冲入黎咁，我記覺得蘇民峰講過，大門/窗囗對正馬路係犯三煞，風水好差，好彩我地只係瞓一夜！

Toledo有間聖多美大教堂 (St Tome Church) 收藏咗一幅好有名嘅畫 “伯爵的葬禮"，不過唔俾影相，所以只係用咗五分鐘黎極速欣賞。

杜麗多大教堂(Toledo Cathedral)

之後去咗杜麗多大教堂(Toledo Cathedral)，其實都係教堂一間，我覺得最靚嘅應該係lee d Angles 同埋lee個位有個玻璃窗可以透光。 

同埋chapel 中央嘅每張凳都有木刻，每個都應該好有意思（雖然我唔知佢地咩意思）。

睇完又要趕去另一個古城，塞哥維亞古城(自費項目，團費唔包)。

午餐去咗米之蓮星級餐廳百年老字號Candido食西班牙乳豬 (自費項目，Euro 35 per head )。

第二代傳人出嚟負責古老又隆重嘅切豬儀式。

用碟嚟切開隻乳豬，係想大家知道d乳豬皮卜卜脆，用碟都切得開。 切好乳豬之後，第二代傳人會高舉隻白色大圓碟，擲落地下，圓碟爛成碎塊，儀式完畢。

羅馬水道橋 (Roman Aqueduct)。

水道橋家重用緊，我真係好欣賞歐洲人果種共容性，佢地好懂得保留同保護d古蹟，將新同舊嘅建築業融合埋一齊。

塞哥維亞大教堂，忽忽影張相就走。

我叫佢白雪公主城堡，話說Walt Disney 都參考佢(Alcázar of Segovia) 黎創作出白雪公主城堡。其實我都好想入去睇下，我好似從來都未參觀過Alcazar，Cathedral就去得多。

我有d後悔冇買到牆上果d碟，我覺得佢地都幾靚，加上真係用得著，可以放下生果，盆栽之類。

黃昏，嚟到西班牙首都，馬德里 (Madrid)。 馬德里有個全西班牙最大嘅鬥牛場…馬德里鬥牛場(Las Ventas) 。 門外影下相，又結束今日嘅行程。