2017東京近郊賞楓之旅~住宿篇(1) ~ Hotel Gracery Shinjuku (ホテルグレイスリー新宿)

人生第二次到東京，第一次黎時住新宿，覺得幾方便，坐NEX由成田空港到新宿大約90分鐘。 加上今次旅程要坐小田急電鐵同埋京王電鐵，住新宿唔洗再轉車，所以今次都係選擇住新宿。

這間Hotel Gracery Shinjuku，大家都叫佢做哥斯拉酒店， 我係EGL旅行社訂的，5晚酒店(Twin bedroom 兩間，唔包早餐)+機票4張，總額大約$26,000，每人大約$6,500。

新宿東寶大樓電影院

哥斯拉酒店位於熱鬧的歌舞伎町區域裏，酒店下面係商場和新宿東寶大樓電影院，周邊有不少餐廳，非常熱鬧。 酒店的Lobby 係八樓，兩次入住都被安排住在高樓層。可免費到8樓近距離接觸哥斯拉。

 Twin 兩床客房空間都算大。

洗手枱、冲凉、廁所都係分開的

睡房和廁所區有趟門

洗手枱、冲凉、廁所都係分開的獨立空間，可以獨立使用。睡房和廁所區有隻趟門，冲凉時可以分開睡房區和廁所區。

我最喜歡就係酒店個枕頭，波生5晚都冇鼻鼾，好可惜我冇留意個枕頭係咩牌子。

哥斯拉酒店非常新，而且只離新宿車站10-15分鐘路程(帶住行李計)，都算方便！不過新宿站非常大，因為酒店係近新宿站「東口」，而NEX出口係「南口」。 第一天到達時，我地係由車站的NEX月台行到「東口」位置 ，新宿站「東口」係冇電梯，而且人非常多，攞住行李走動好唔方便。

我建議大家盡量係「南口」進出，「南口」有扶手電梯加lift直接可以到達NEX的5號、6號月台位置。 回程時，我地係由地面行到新宿站「南口」先進入站，這樣走比較直接。

ホテルグレイスリー新宿 (Hotel Gracery Shinjuku/ 格拉斯麗新宿酒店)

http://shinjuku.gracery.com/

~住宿篇~

新宿(3晚) ホテルグレイスリー新宿 (Hotel Gracery Shinjuku)

-->箱根(1晚) 星のあかり (Hakone star Akari)-->新宿(2晚) ホテルグレイスリー新宿 (Hotel Gracery Shinjuku)

Face Book Page: 波太的簡單生活