[Monday’s Soup] 粟米紅蘿蔔羊肚菌竹笙湯

煲湯話難唔難，不過準備材料先至係最煩，所以我星期日準備定材料，星期一朝早煲，放工番屋企就有得飲。食埋湯渣做餸，我又可以煮少味餸。

呢個湯可以預防傷風感冒，近排天氣又凍又熱，真係好啱一家人飲。 我自己勁鍾意食菇菌類，所以用菇菌類煲嘅湯就真係好啱我，加咗粟米紅蘿蔔，個湯好清甜。煲完嘅湯料全部都可以食番，重好好味添。

材料: 羊肚菌8粒，竹笙4條(最後10分鐘先放)，粟米1條，紅蘿蔔1條，無花果3粒，排骨35蚊

做法: 羊肚菌和竹笙浸20分鐘洗乾淨；排骨頭出水；紅蘿蔔和粟米去皮切件。燒熱大鍋水，將所有材料(除竹笙外)放入煲內。

我用真空煲(Thermos 膳魔師真空煲)，番工前先用明火煲太約20分鐘，之後放入外真空煲焗。

放工再煲多30分鐘，加少少鹽就飲得，竹笙要到最後10分鐘先落入湯到煲。

其實我之前未食過羊肚菌，係海味鋪老板娘介紹嘅。

[網上資料] 羊肚菌含有豐富的蛋白質、碳水化合物、19種氨基酸，和多種微量元素。從中醫的角度看，該菌具有益腸胃，助消化和化痰理氣之功效，可用於治療脾胃虛弱，消化不良，痰多氣短等症。羊肚菌對減肥和美容也有功效，特別是對女性經常食用羊肚菌不但可以美容、增白，還可以消除面部黑斑、黃斑、雀斑、暗瘡等作用，還能使皮膚長期保持細膩、嫩白、光滑。

Facebook Page: 波太的簡單生活