本書嘅全名係《刻意練習：原創者全面解析，比天賦更關鍵的學習法》。 英文書名係 “Peak: Secrets from the New Science of Expertise”，原文作者Anders Ericsson & Robert Pool。
我覺得本書好好睇…好好睇…好好睇 (好睇到要講3次)!
我係睇中文版嘅，如果有時間我都想睇埋英文版，英文版應該會更加全神。
作者Anders Ericsson係「傑出表現」嘅研究曾被多本暢銷書引用，例如我之前介紹過嘅《Outliers/異數》就引用了Anders Ericsson嘅「一萬小時法則」，
我非常推薦這本書比各位虎爸虎媽，同埋想自我提升嘅人。
先唔講運氣 (雖然運氣係成功最重要嘅因素, 之前
《Outliers》一書經已詳細說明)，成日覺得自己唔夠人叻，唔係唔夠人聰明，只係唔夠人努力。
作者透過多年的研究結果話比我哋知，所謂天才都係經過大量的刻意練習，而天賦只係對學習初期有少許影響。聰明嘅人對學新事物可能會比較快上手，不過對於成為專家，高IQ和正常IQ就冇明顯分別。
刻意練習係指有目標嘅練習，要透過老師即時獲得回饋和修正，之後重複練習。
另外學習動機都好重要，要有學習動機，刻意練習先可持續進行。
作者另有提到要發展心智表徵，要鍛鍊大腦的適應力等等..對我黎講好有趣又好新嘅知識。
睇完呢本書，令我覺得大家講嘅孩子要「赢在起跑綫」其實都有根據，要某方面嘅技能比人叻，就要大量的刻意練習，大量的刻意練習其實就係我哋平時講嘅「催谷」。不過學習動機都好重要，如果個小朋友覺得有興趣就唔會覺得噤辛苦。
No comments:
Post a Comment