[開箱文]Chanel 手提電話袋&卡片套Phone & Card Holder (Classic 經典款)

上篇提到係香港Chanel店買了兩件小皮具 ([開箱文]Chanel 珍珠鏈帶小手袋 Clutch with Chain)，今次介紹這個Chanel 手提電話卡片套(香港網站英文名叫佢做Classic Pouch for iphone, 外國網站叫佢做Phone & Card Holder) 。  

這個Chanel 手提電話袋&卡片套除了有Classic款之外， 重有Chanel 19款 ， 我都諗了一陣我要邊款好，最後都係揀番Classic款。因為我此中都係鍾情於Chanel Classic 的細菱格仔， 雖然Chanel 19都好靚，重要係湖水藍色! 

Chanel Classic手提電話袋&卡片套都有好幾隻色 (不過就冇黑色), 最後我買了這個深藍色牛皮。  正面有個雙C金屬logo，前袋是立體設計，可以放手提電話。我部電話唔係iphone，不過一樣可以輕鬆放入去。 

後面有5個卡片位。

包身內印有 Made in France字樣

中間有拉鏈位可以放紙幣及散紙，包身內印有 Made in France字樣。 

牛皮(calfskin)應該比較耐用，現時用緊的 Chanel 短銀包係小羊皮 (lambskin), 上年5月在羅馬購入, 我已經好小心用, 不過摺位已經見到羊皮有少少脫色! 我對Chanel小羊皮真係又愛又恨，愛佢又軟又滑，恨佢要好小心保護，好易花。 

這個手提電話袋&卡片套除了可以放手機，同時也能當薄身長銀包及散紙包，一個包多功能。 我lunch time 攞佢一個出去就可以，唔洗又帶銀包及散紙包， 深藍色加上classic細菱格仔紋，低調又時尚。 

 價錢方面，香港專門店賣HK$5400。

[開箱文]Chanel 珍珠鏈帶小手袋 Clutch with 

Facebook Page: 波太的簡單生活 

我的敗家日誌 Mrs Shopping Diary 網購優惠分享 

No Buy Challenge 唔買挑戰 ~ update

實行唔買挑戰已經有一個月，究竟我有冇堅持呢？ (No Buy Challenge 唔買挑戰 ~ 開始) 

係唔買挑戰4大categories 方面，有3個類別其實都係成功嘅。

呢一個月， 我係冇買過衫，但係我有買袋, 不過 衫同袋係唔同類別。依家我重好努力係衫方面斷捨離，已經清走兩大包舊衫! 

要斷捨離的衫

清走兩大包舊衫

至於護膚品方面，我買咗一枝SK2神仙水230ml (買大送細)和 Shiseido Primer。 我真係用完一枝先買一枝和有需要先買，本身屋企存貨係沒有replacement 所以我先買。 講開又講，呢排啲護膚品都係幾抵買嘅。 

呢個月用完的護膚品

呢個月用完的護膚品

新買的護膚品

新買的護膚品

我又冇買過書。 之前有提過我買了好多本書未睇，所以呢個月我用多咗時間睇書，只睇完了一本，我本身屬於睇書慢嘅人。 

唔成功就係零食，忍唔住買咗薯片，雪糕，維他檸檬茶，可樂等。除了返工之外，其他時間都係宅在家中，冇可能唔食零食。 最近好鍾意食小老闆紫菜。

零食

不過要我唔買嘢真係難, 我都忍得幾辛苦!

[開箱文]Chanel 珍珠鏈帶小手袋 Clutch with Chain

Chanel 珍珠鏈帶小手袋 Clutch with Chain

Chanel 加珍珠簡直係絕配，所以上年(2019春夏季) 見到Chanel 推出的一系列珍珠鏈帶手袋 Flap Bag時 ，我覺得驚為天人，靚到呢~ 奈何Flap Bag價錢較貴 (好似Classic正方型款價錢約$28,000, 而 Classic長方型款約$30,000), 而且容量小，對我來說唔係好 practical。 

Classic長方型款約$30,000 (網上圖)

Classic正方型款約$28,000 (網上圖)

最近我係網上見到Chanel最新2020出了個珍珠鏈帶Clutch with Chain小手袋，價錢較為便宜，我覺得今次一定要入手。 世界各地都疫情嚴重，原本計劃今年再去歐洲的機會變得微乎其微，所以我這個天生購物狂決定留港消費，造就了我的第一次係香港Chanel 買手袋的機會。 

其實自從香港名店主力為強國人民服務後，我已經冇再入過香港大部分名店。我真係好多年冇入過香港Chanel店，以前有係Chanel買過幾對耳環 (有時間再show 俾大家睇)，手袋/小皮具就真係第一次係香港買。沒有係香港買袋的主要原因係香港通常都冇我想要的款，加上成日都要排隊先入到店，久而久之我就放棄了香港Chanel店， 我現有的Chanel包包都係去歐洲旅行時順便購入的。 

今次係香港Chanel店買了兩件產品，先介紹這個Chanel珍珠鏈帶小手袋 (Clutch with Chain) 。 

唔知點解叫佢做Clutch with chain，而唔係Wallet on Chain? 不過Wallet on Chain比Clutch with chain應該大少少。 

Clutch with chain係深藍色山羊皮(Goatskin) 配上classic細菱格仔紋，正面有個雙C金屬logo，上面有一排仿珍珠， 整條鏈帶不單有著CHANEL最經典的金扣皮革。原本係網上係見到黑色的， 不過店只得display，所以我最後買了深藍色。  

裡面間格就係跟一個長銀包一樣，中間有拉鏈位可以放紙幣及散紙。 前面及後面各有6個卡片位。 可以放手機，不過放埋一大把鑰匙就有些勉強。

包身內印有 MADE IN ITALY字樣。 

Clutch with chain其實就好似一個長銀包加條鏈帶，長銀包上面有一排仿珍珠, 感覺高貴奢華感。 

雖然對我來說Clutch with Chain容量小，不過比較同款Flap Bag價錢真係平好多，我覺得買黎儲都好值得。

如果出街用我應該會帶多個袋，不過疫情關係，我暫時未有機會用。 

價錢方面，香港專門店賣HK$16000。

2019愛爾蘭與北愛爾蘭之旅 ~ Day 1行李遲到@芬蘭航空

15 Nov 2019 (Fri) 

Wolfgang puck 食早餐

「生保床」真係完全瞓唔慣，成晚都瞓得唔係幾好， 雖然比好多酒店的床褥都唔算“淋”， 冇瞓到我周身痛。 富豪酒店真係好方便， 行幾分鐘就到達機場，所以今朝可以好他條，唔洗趕，早3個鐘就到達機場！ 

去了位於入境大堂的Wolfgang puck 食早餐， 價錢算正常，唔係貴，唔收加一。 而且食客較少，可以坐耐些。
 

食飽早餐就check in，然後過關等上機。今次第一次坐Finnair 芬蘭航空，要先去Helsinki(赫尔辛基)，再轉機去愛爾蘭都柏林(Dublin) 。不過如果我一早知國泰直航只係貴少少，我應該會選擇直航機。  

Finnair 的飛機餐好難食，好彩我食飽先上機。另外只包早晚兩餐，中途係冇零食提供，零食需要另外比錢買。 落機前可以係電視睇到轉機的航班消息。 

轉機航班的消息

一直擔心轉機會唔夠時間，因為只有50分鐘，加埋飛機降落後重要泊位， 實際上只有35至40分鐘轉機時間。轉機要過多一次安檢， 不過原來都夠時間轉機。另一程機係廉航黎，飛機好細，一行得6個位，冇食物提供。 波生今次可能係因為有少許感或者瞓得唔好，係第一程機差唔多降落的時開始唔舒服，最後嘔埋。第二程機又再嘔，好彩兩次我都一早拎定個嘔吐袋出黎，所以先冇到周圍都係。 

Helsinki機場

帶住病病地的波生 ，終於到達都柏林機場。過關時，關員問了我好多問題先放行，我都係第一次過關要答那麽多問題。最初我係自己一個先過關，首先關員問我打算留幾耐，因為關員要我俾他看機票和預訂酒店的文件等，排後面的波生就問我發生什麼事。關員見我和波生相識，就叫埋波生一齊過關。 關員再問我打算係愛爾蘭去邊到玩，要答兩個地方。見我有book北愛爾蘭的酒店， 跟住又問我去北愛爾蘭邊到玩，又係要答兩個地方，另外又有問我們的職業們。可能因為早排有冷櫃由愛爾蘭去英國途中發現多名越南偷渡客的屍體，所以關員特別緊張。 

攞行李時， 所有行李已經出晒都唔見波生個行李, 我們去櫃台問先個知應該係個行李上唔到機， 要等到明天9點先到達都柏林，後來都有收到航空公司SMS 通知。係櫃台留低酒店地址，航空公司會安排明天送去酒店。 

坐Airlink Express 747 巴士出都柏林市中心，車程 太約30分鐘。一落車波生又嘔, 好彩酒店好近。 酒店附近有條街有好多舖頭，波生就係Marks & Spencer到買番基本今晚和明天要著的衫，買了件褸。好彩我地7點前已經到達都柏林市中心, 舖頭都未關門， 因為一般晚上8點舖頭全部關門大吉。 波生病到死死下， 冇胃口食晚餐， 所以我自己買了McDonald's 外賣番酒店食，我覺得外國麥記真係好食好多。 

原本約了明天跟團去Newgrange and Hill of Tara ，不過波生病緊去係唔會坐長途車，好怕波生又嘔， 我send email 去取消個團，要睇下明天波生的狀態先決定去邊到。 我原本都幾期待去 Newgrange(紐格萊奇墓) and Hill of Tara(塔拉山)，我對古墓和文化遺址好有興趣, 不過冇辦法唯有等下次。

P.S. 行李延誤保險係有得賠，應該賠番必需品的，所以記得要保留單據。好似賠到HK$1000。

Next: 2019愛爾蘭與北愛爾蘭之旅 ~ Day 2-1 Guinness Storehouse 健力士啤酒廠

Previous: 2019愛爾蘭與北愛爾蘭之旅 ~ 香港富豪機場酒店 Regal Airport Hotel 

Facebook Page: 波太的簡單生活 

我的敗家日誌 Mrs Shopping Diary 網購優惠分享 

2019愛爾蘭與北愛爾蘭之旅 ~ 香港富豪機場酒店 Regal Airport Hotel

14 Nov 2019 (Thu)  

今次旅行出發的那個星期，香港到處都有不同交通狀況，非常混亂，因為深怕出發當日早上會大塞車， 所以我地決定早一晚就到機場。一把年紀沒可能瞓機場，波生就在出發前兩天係網上訂了了一晚機場富豪洒店，房價係有點貴，一晚房租就要hk$2255，不過就可以買個安心。 

放工返屋企，食過飯後就立即call 的士 入機場。的士哥哥話到處都好塞車，他建議行經昂船洲大橋入東涌。昂船洲大橋都好塞，事關返大埔行唔到吐露港公路 ，要改經大欖隧道行元朗果邊。

記憶中我未試過係香港住酒店， 今次都應該係第一次。 每層都幾大， 有好多間房。 

間房係Superior Room，都好大下, 有一張雙人床、一張sofa 。基本日用品都有齊。 呢間酒店都成20年， 房間style 同啲設備都係比較舊，另外最大問題係個浴室。 浴缸係用咗係我最唔鍾意果種設計，就係得塊玻璃擋水, 我冲完涼之後，個地下就濕晒! 

另外個浴缸去水位嘅蓋係壞嘅，個蓋起唔到上黎， 啲水去唔到， 我要叫人黎整。 不過都有樣嘢我係欣賞嘅，就係有免費生果同兩枝水， 我地就食咗其中的兩個橙。 最令人失望嘅就係竟然係個電視收唔到香港免費嘅電視台，唔通唔想比大家睇香港嘅新聞?  

介紹完間冇咩特別嘅房間，我就落樓睇下酒店有咩其他設施。 酒店裡面有好幾間餐廳，自助晚餐都只係$398，重送埋早餐， 都幾低下! 

酒店有間HSBC

酒店gym room

另外有間HSBC， 方便出發前可以攞錢。另外酒店3樓有間spa, gym room 同泳池。參觀完畢我就番房食我自已帶黎嘅零食同玩電話！

Booking.com: Regal Airport Hotel

Next: 2019愛爾蘭與北愛爾蘭之旅 ~ Day 1行李遲到@芬蘭航空

Previous:

Facebook Page: 波太的簡單生活 

我的敗家日誌 Mrs Shopping Diary 網購優惠分享